आइएमई जनरल इन्स्योरेन्सको प्रमुख कर्याकारी अधिकृतमा बादे श्रेष्ठ पुनः नियुक्त
काठमाडौं, २४ साउन । आइएमई जनरल इन्स्योरेन्स लिमिटेडको सञ्चालक समितिको असार ७ गतेको १२०आँै बैठकको निर्णय भए बमोजिम प्रमुख कार्यकारी अधिकृत पदमा युगेशभक्त बादे श्रेष्ठ साउन २३ गते देखि लागु हुने गरी दोश्रो कार्यकालको लागि पुनः नियुक्त भएका छन् ।
श्रेष्ठ २७ वर्ष देखि निर्जीवन बीमा क्षेत्रमा कार्यरत रहेका छन् । बिमा क्षेत्रलाई नै आफ्नो कर्मथलो बनाएर यही क्षेत्रको विकासमा निरन्तर काम गर्दै आएका श्रेष्ठको नेतृत्वमा करिब ७ वर्षमा आर्ईएमई जनरल इन्स्योरेन्सले उल्लेख्य प्रगती हासिल गर्न सफल भएको छ ।
कार्यकारी अधिकृतको सफथ लिँदै श्रेष्ठले आफ्नो कार्यकालमा आइएमई जनरल इन्स्योरेन्सलाई उत्कृष्ठ कम्पनीको रुपमा स्थापित गर्ने प्रतिवद्धता व्यक्त गरेका छन् ।
