सरकारको नीति तथा कार्यक्रम माथि संसद छलफल सुरु, छलफल तीन दिन सम्म चल्ने
काठमाडौं, ९ जेठ । सरकारको वार्षिक नीति तथा कार्यक्रम माथि आज देखि प्रतिनिधिसभामा छलफल सुरु भएको छ । संघीय संसद सचिवालयका अनुसार नीति तथा कार्यक्रममाथि आज सहित तीन दिन छलफल हुनेछ ।
आज पहिलो दिन ११ बजे देखि संसद बैठक सुरु भएको छ । सरकारी कार्यक्रममाथि सत्ता समर्थित संघीय समाजवादी फोरम नेपाल र राष्ट्रिय जनता पार्टी (राजपा ) तथा प्रमुख प्रतिपक्षी नेपाली कांग्रेसले राष्ट्रियसभामा समेत गरी ८ वटा संशोधन दर्ता गराएका छन् । राजपा र फोरम नेपालले संविधान संशोधनलाई सरकारी नीति तथा कार्यक्रममा समेट्न माग गर्दै संशोधन प्रस्ताव दर्ता गराएको छ भने कांग्रेसले सभामुख र राष्ट्रिय सभाका अध्यक्षलाई सम्मानजनक पदावली प्रयोग हुनु पर्ने लगायतका विषयमा संशोधन दर्ता गराएका छन् ।
सरकारको तर्फबाट राष्ट्रपति विद्यादेवि भण्डारीले गत सोमबार संघीय संसदमा नीति तथा कार्यक्रम प्रस्तुत गरेकी थिइन ।
