शेयर बजारमा ह्रास, कारोबार रकम समेत घट्यो
काठमाडौं, ३१ असोज । साताको दोस्रो कारोबार दिन सोमवार पनि शेयर बजारमा ह्रास आएको छ । यस दिन नेप्से परिसूचक २.६१ अंकले घटेको हो । यससँगै परिसूचक १८५८.३३ अंकमा थामिएको छ ।
सोमवार कारोबार रकम समेत अघिल्लो दिन आइतवारको तुलनामा घटेको छ । यस दिन २१९ कम्पनीको १६ लाख ३१ हजार ३४९ कित्ता शेयर किनबेच हुँदा ५१ करोड ५८ लाख १८ हजार रुपैयाँको कारोबार भएको छ । यस दिन अधिकांश समूहको उपसूचक घटेका छन् ।
