India VS Pakistan
काठमाडाैं, १६ मंसिर । शुक्रबार पनि नेपाली बजारमा सुनचाँदीको मूल्य बढेकाे छ । सुनकाे मूल्य आज एकैदिन ताेलामा १००० रूपैयाले बढेकाे हाे ।
छापावाल सुनकाे मूल्य आज ताेलाकाे ९९ हजार १ सय रुपैयाँ कायम भएकाे नेपाल सुनचाँदी व्यवसायी महासंघले जनाएकाे छ । हिजो पनि सुनको भाउ ५ सय रुपैयाँले बढेर ९८ हजार एक सय रुपैयाँमा कारोबार भएको थियो ।
यस्तै तेजावी सुनकाे मूल्य आज ताेलाकाे ९८ हजार ६०० रूपैयाँ कायम भएकाे छ । हिजाे तेजावी सुन प्रतिताेला ९७ हजार ६०० रूपैयाँमा काराेबार भएकाे थियाे ।
यस्तै, चाँदीको भाउ पनि बढेको छ । चाँदी आज तोलामा १५ रुपैयाँले बढेको छ । हिजो तोलामा ४० रुपैयाँले बढेर एक हजार ३ सय ३० रुपैयाँमा कारोबार भएको चाँदी आज एक हजार ३ सय ४५ रुपैयाँमा कारोबार भइरहेको छ ।
