आज एकैदिन तोलामा ११ सयले घट्यो सुनको मूल्य
काठमाडाैं, १३ माघ । शुक्रबार नेपाली बजारमा सुनकाे मूल्य घटेकाे छ । आज एकैदिन सुनको मूल्य तोलामा ११ सय रुपैयाँले घटेको नेपाल सुनचाँदी व्यवसायी महासंघले जनाएकाे हाे ।
यससँगै, आज छापावाल सुनको मूल्य तोलकाे १ लाख ५ हजार ८०० रुपैयाँ निर्धारण गरीएकाे छ । हिजाे छापावाल सुन प्रतिताेला १ लाख ६ हजार ९०० रुपैयाँमा काराेबार भएकाे थियाे ।
यस्तै आज तेजावी सुनकाे मूल्य ताेलाकाे १ लाख ५ हजार ३०० रुपैयाँ निर्धारण भएकाे छ । हिजाे तेजावी सुन प्रतिताेला १ लाख ६हजार ४०० रुपैयाँमा काराेबार भएकाे थियाे ।
हिजो नेपाली बजारमा सुनको मूल्य अहिलेसम्मकै उच्च मूल्यमा कारोबार भएको थियो । नेपाली बजारमा यसअघि सुनको मूल्य तोलामा १ लाख ६ हजार ९०० रुपैयाँ पुुगेको थिएन ।
यता आज चाँदीकाे मूल्य भने स्थिर रहेकाे छ । चाँदीको मूल्य तोलामा १३ सय ८० रुपैयाँ कायम छ ।
