फाइनान्सियल एक्सन टास्क फोर्सद्वारा रुसको सदस्यता निलम्बन
काठमाडौं, १४ फाइनान्सियल एक्सन टास्क फोर्सले रुसको सदस्यता निलम्बन गरेको छ । युक्रेनसँगको युद्धका क्रममा रुसले उक्त टास्क फोर्सका सिद्धान्तहरू उल्लङ्घन गरेको जनाउँदै एफएटीएफले शुक्रबार सदस्यता निलम्बन गरेको एक विज्ञप्ति मार्फत जनाएको हो ।
युक्रेनमा रुसी आक्रमणको एक वर्ष पूरा भएको अवसरमा रुसका क्रियाकलापहरूले अन्तर्राष्ट्रिय सहयोग र पारस्परिक सम्मानको प्रतिबद्धतालाई उल्लङ्घ गरेकाले यो एफएटीएफको मूल सिद्धान्तविरीत रहेको भन्दै उसले रूस विरुद्व प्रतिबन्धको कदम चालेको जनाएको छ ।
उता सम्पत्ति शुद्धीकरण र आतंकवादसँग सम्बन्धित पैसालाई रोक्नका लागि विश्वव्यापी मापदण्डहरू तय गर्ने एक अन्तर्राष्ट्रिय संगठन हो । युरोपेली सङ्घसहित सात राष्ट्रको अन्तर्राष्ट्रिय समूह ‘जी सेभन’ले रूसमाथि नयाँ प्रतिबन्ध लगाउने भएको छ । रूसले युक्रेनमाथि आक्रमण गरेको एक वर्ष पूरा भएको अबसरमा ‘जी सेभन’ समूहका मन्त्रीहरूको बैठकमा नयाँ प्रतिबन्धबारे छलफल भएको अन्तराष्ट्रिय संचारमाध्यमहरुले उल्लेख गरेका छन् ।
संयुक्त राष्ट्रसङ्घीय सुरक्षा परिषदले युक्रेनमा दिगो शान्तिका लागि मतदानकालागी आह्वान गरेको थियो । सो समयमा क्यानडा, फ्रान्स, जर्मनी, इटाली, जापान, संयुक्त अधिराज्य र संयुक्त राज्य अमेरिका सदस्य रहेको अन्तरसरकारी मञ्च जी सेभनका मन्त्रीहरू नयाँ प्रतिबन्ध लगाउने निष्कर्षमा पुगेका हुन् ।
