साना किसान विकास लघुवित्त वित्तीय संस्थाले पायो बेष्ट म्यानेटमेन्ट टिम अवार्ड
काठमाडाैं, १४ वैशाख । साना किसान विकास लघुवित्त वित्तीय संस्था लिमिटेडले बेष्ट म्यानेटमेन्ट टिम अवार्ड प्राप्त गरेको छ। संस्थाले गत वैशाख ८ गते अर्थ मन्त्रालय र एसियाली विकास बैंकले गोकर्ण फरेस्ट रिपोर्टमा सयुक्त रुपमा आयोजना गरेको कन्ट्री पोर्टफोलियो मिटिङबाट उक्त अवार्ड प्राप्त गरेको बिहिबार आयाेजित पत्रकार सम्मेलनमा जानकारी दिइएकाे हाे ।
साथै, लघुवित्त मार्फत कार्यक्रम कार्यान्वयन गर्ने गरी नेपाल सरकार र एसियाली विकास बैंकबीच २०१९ डिसेम्बर १० मा भएको ग्रामीण उद्यम लगानी परियोजना सम्झौता नेपाल सरकार, अर्थ मन्त्रालय र वित्तीय संस्था बीच २०७७ बैशाख ७ गते सम्पन्न सहायक ऋण सम्झौता बमोजिम पाँच करोड अमेरिकी डलर राशिको यो ऋण परियोजनाले नेपालका मझौला तथा साना किसान उद्यमीको सुलभ कर्जामा सहज पहुँच सुनिश्चित गरी कृषि उद्यमको विकासको दिशामा प्रभावकारी परिणाम दिएको छ। नेपाल राष्ट्र बैंकबाट स्वकृति लिई सञ्चालित यस परियोजनाबाट हाल सम्म ९३० व्यक्तिगत परियोजना तथा ३० वटा सामुहिक परियोजनाबाट मात्र पनि २ अर्ब ३० करोड रकम लगानी भएको छ।
