३५ अङ्कले बढ्यो सेयर बजार, काराेबार रकम ७ अर्ब नाघ्यो
काठमाडाैं, ४ पुस । साताको चाैथाे काराेबार दिन पनि शेयरबजार उत्साहजनक रुपमा बढेको छ । बुधबार ३५.३९ अंकले बढेर बजार २१४१.८७ बिन्दुमा बन्द भएको छ ।
यस्तै यसदिन काराेबार रकमले पनि एक वर्षयताकै रेकर्ड तोडेको छ । आज एक करोड ९९ लाख ६३ हजार कित्ता शेयर सात अर्ब ९५ लाख रुपैयाँमा कारोबार भएका छन् । एक वर्षभन्दा लामो समयदेखि कारोबार रकम सात अर्ब रुपैयाँ पुगेका थिएन ।
आज होटल र पर्यटनबाहेक अरू सबै समूहको शेयर उकालो लागेकोमा लगानी समूहको शेयर उच्च अङ्कले बढेको छ । आज १५ वटा कम्पनीको शेयर १० प्रतिशतले बढेर सकारात्मक सर्किट लागेको छ ।
