सन नेपाल लाइफद्वारा लाभांश घोषणा, हकप्रद सेयर जारी गर्ने
काठमाडौं, १३ फागुन । सन नेपाल लाइफ इन्स्योरेन्सले लाभांश दिने भएको छ । कम्पनीले गत आर्थिक वर्षको मुनाफाबाट सेयरधनीलाई वितरण गर्ने लाभांश घोषणा गरेको हो ।
गत शुक्रबार बसेको कम्पनीको सञ्चालक समितिको बैठकले लाभांश वितरण तथा हकप्रद जारी गर्ने निर्णय गरेको हो ।
कम्पनीले हाल कायम चुक्ता पुँजीको २३ दशमलव ८० प्रतिशत बोनस शेयर र कर प्रयोजनका लागि ४ करोड ८४ हजार २११ रुपैयाँ बराबरको नगद लाभांश वितरण गर्ने घोषणा गरेको छ ।
त्यस्तै कम्पनीले बोनस शेयर वितरणपश्चात कायम हुन आउने चुक्ता पुँजीको २७ प्रतिशतका दरले हकप्रद शेयरसमेत जारी गर्नेछ ।
नेपाल बीमा प्राधिकरणबाट स्वीकृत भई आगामी वार्षिक साधारणसभाले पारित गरेपछि लाभांश वितरण र हकप्रद शेयर निष्कासन गर्ने कम्पनीको भनाई छ ।
