राष्ट्र बैंकद्वारा ५ सदस्यीय मौद्रिक नीति सल्लाहकार समिति गठन
काठमाडौं, २१ वैशाख । नेपाल राष्ट्र बैंकले ५ सदस्यीय मौद्रिक नीति सल्लाहकार समिति गठन गरेको छ । राष्ट्र बैंकले डेपुटी गभर्नर डा. निलम ढुंगानाको संयोजकत्वमा ५ सदस्यीय समिति गठन गरेको हो ।
समितिमा राष्ट्र बैंकबाट ३ जना सदस्य छन् भने २ जना बाह्य सदस्य छन् । राष्ट्र बैंकबाट संयोजक डा. निलम ढुंगाना, अनुसन्धान विभागका कार्यकारी निर्देशक डा. प्रकाश कुमार श्रेष्ठ र अनुसन्धान विभागकै निर्देशक सत्येन्द्र सुवेदी रहेका छन् ।
यसैगरी वाह्य विज्ञहरुमा डा.मणिकलाल श्रेष्ठ र त्रिभुवन विश्वविद्यालयको केन्द्रीय अर्थशात्र विभागका प्रमुख सो समितिमा सदस्यको रुपमा रहने व्यवस्था गरिएको छ ।
