करिव १० अंकले घटेको बजारमा ५ कम्पनीको सेयर मूल्यमा सकारात्मक सर्किट

काठमाडौं, १६ मंसिर । आइतबार नेपाल स्टक एक्सचेञ्ज नेप्से ९.९९ अंकले घटेको छ। आज सेयर बजार मापक नेप्से परिसुचक ०.३६ प्रतिशतले घटेर २ हजार ७ सय ३८ बिन्दुमा पुगेको छ।

यस दिन १ करोड ६६ लाख ६३ हजार ३५५ कित्ता सेयर ८ अर्ब ५४ करोड ५२ लाख २५ हजारमा कारोबार भएको छ। गत बिहिबार १ करोड ६७ लाख ६७ हजार १६८ कित्ता सेयर ८ अर्ब ८३ करोड २२ लाख २५ हजारमा कारोबार भएको थियो ।

आज कारोबार भएको बजारमा ६३ कम्पनीको सेयर मुल्य बढेको छ भने १७८ वटा कम्पनीको सेयर मुल्य घटेको छ। यस्तै ३ सेयरको मूल्य स्थिर रहेको छ।

यसदिन विशाल बजार कम्पनी, कर्पोरेट डेभलोपमेन्ट बैंक, सिन्धु विकाश बैंक, ग्रिन डेभलोपमेन्ट बैंक, सप्तकोशी डेभलोपमेन्ट बैंकको सेयर मूल्यमा सकारात्मक सर्किट लागेको छ भने एक्सेल डेभलोपमेन्ट बैंकको सेयर मुल्य ९.६८ प्रतिशतले बढेको छ।

यसैगरि आज जानकी फाइनान्सको सेयर मुल्यमा नकारात्मक सर्किट लागेको छ ।

आज विकास बैंक, होटल तथा पर्यटन र ट्रेडिङ्ग समूह बाहेक अन्य सबै समूहका उपसुचकहरु घटेका छन् ।