४९ अर्ब ४८ करोडको आईपीओ निष्कासनका लागि ८० कम्पनी पाइपलाइनमा
काठमाडाैं, २३ मंसिर । नेपाल धितोपत्र बोर्डमा प्रारम्भिक सार्वजनिक निष्कासन (आईपीओ)जारी गर्नका लागि आवेदन दिने कम्पनीको संख्या ८० पुगेकाे छ । करिव एक वर्षयता नयाँ अनुमति जारी नभएपछि धितोपत्र बोर्डको पाइपलाइनमा रहेका संख्या यति पुगेको हो ।
बोर्डका अनुसार यी कम्पनीले कूल ४९ अर्ब ४८ करोड ३० लाख ४९ हजार पाँच सय ९६ बराबरको ३४ करोड १९ लाख एक हजार ८० कित्ता शेयर जारी गर्ने छन् ।
आवेदन दिएका कम्पनीले बोर्डबाट अनुमति पाएपछि सेयर निष्कासन गर्नेछन् । धितोपत्र बोर्डबाट अनुमति पाएको दुई महिनाभित्र सेयर निष्कासन गरिसक्नुपर्ने कानुनी व्यवस्था छ ।
दुई साताअघि सरकारले रिक्त रहेको नेपाल धितोपत्र बोर्डको अध्यक्षमा सन्तोषनारायण श्रेष्ठलाई नियुक्त गरेको छ ।
