तीन दिनदेखि लगातार घट्दै सुनकाे मूल्य, आज ताेलाकाे १ लाख ४८ हजार ५००
काठमाडाैं, ५ पुस । शुक्रबार पनि नेपाली बजारमा सुनचाँदीकाे मूल्य घटेकाे छ । बिहिबार ताेलामा १ हजार ७०० रूपैयाँले घटेकाे सुनकाे मूल्य आज प्रतिताेला ५०० रूपैयाँले घटेकाे हाे । बुधबार पनि सुनकाे मूल्य ताेलामा ७०० रूपैयाँले घटेकाे थियाे ।
नेपाल सुनचाँदी व्यवसायी महासंघका अनुसार शुक्रबार छापावाल सुनकाे मूल्य ताेलाकाे १ लाख ४८ हजार ५०० रूपैयाँ कायम भएकाे छ । बिहिबार छापावाल सुन प्रतितोला एक लाख ४९ हजार कारोबार भएको थियो ।
यस्तै शुक्रबार चाँदीकाे मूल्य पनि ताेलामा २० रूपैयाँले घटेकाे छ । बिहिबार १ हजार ७८० रूपैयाँमा काराेबार भएकाे चाँदी आज १ हजार ७६० रूपैयाँ कायम भएकाे छ । मंगलबार चाँदी प्रतिताेला १ हजार ८४० रूपैयाँमा काराेबार भएकाे थियाे ।
