ताेलामा ५ सय रूपैयाँले घट्याे सुनकाे मुल्य

काठमाडौँ, १४ पुस । नेपाली बजारमा आज सुन-चाँदीको मूल्य घटेकाे छ। गत शुक्रबार प्रतितोला ४ सय रूपैयाँ बढेको सुनको भाउ आज प्रतितोला ५ सय रूपैयाँ घटेको हो।

नेपाल सुनचाँदी व्यवसायी महासङ्घका अनुसार आज छापावाल सुन प्रतितोला १ लाख ५० हजार २ सय रुपैयाँमा कायम भएको छ भने गत शुक्रबार छापावाल सुन प्रतितोला १ लाख ५० हजार ७ सय रूपैयाँमा किनबेच भएको थियो।

यसैगरी, आइतबार चाँदीको मूल्य पनि घटेको छ। गत शुक्रबार चाँदी प्रतितोला १ हजार ८ सय १५ रूपैयाँमा कारोबार भएको चाँदी आज १ हजार ७ सय ९० रूपैयाँमा किनबेच भइरहेको छ।