आइतबार प्रतिताेला १ हजार ५०० रूपैयाँले घट्याे सुनकाे भाउ, चाँदीकाे स्थिर
काठमाडाैं, २१ पुस । साताको पहिलो कारोबार दिन आइतबार सुनको मूल्यमा गिरावट आएको छ । गत शुक्रबार एकैदिन तोलामा २ हजार रुपैयाँले बढेको सुनको भाउ आज प्रतितोला १५ सय रुपैयाँले घटेको हो।
नेपाल सुनचाँदी व्यवसायी महासंघका अनुसार आज छापावाल सुनकाे मूल्य प्रतितोला १ लाख ५२ हजार रूपैयाँमा झरेकाे छ । छापावाल सुन गत शुक्रबार प्रति तोला १ लाख ५३ हजार ५०० रुपैयाँमा कारोबार भएको थियो।
यस्तै आज चाँदीको भाउ भने स्थिर छ। गत शुक्रबार प्रति तोला १ हजार ८१० रुपैयाँमा कारोबार भएको चाँदीको भाउ आइतबार पनि त्यही रहेको महासंघले जनाएको छ।
