सेयर बजारमा दोहोरो अंकको सुधार
काठमाडौं, ७ साउन । साताको दोस्रो कारोबार दिन आज भने सेयर बजार परिसूचक नेप्सेमा सुधार देखिएको छ । आज बजार १२.८४ अंकले बढेर ११९४.५० को बिन्दुमा उक्लिएको छ ।
सो दिन होटल समूहको कारोबार भएन । तर बाँकी अन्य सबै समूहको परिसूचक उकालो लागेपछि समग्रमा बजार बढेको हो । सबैभन्दा बढी निर्जीवन बीमा समूहको परिसूचक १३३.५१ अंकले बढेको छ । त्यस्तै जीवन बीमा समूहको ५४.८६ र माइक्रोफाइनान्स समूहको परिसूचक पनि ३५.४५ अंकले बढेको छ।
एक सय ५७ कम्पनीको १८ करोड ६५ लाख रुपैयाँ बराबरको सेयर कारोबार भएकोमा आज सबैभन्दा बढी नेपाल इन्भेष्टमेण्ट बैंकको सेयर किनबेच भएको छ ।
