अबैध रुपमा भित्रिने कपडा टेक्स्टायलबाट राज्यलाई अर्बौ रुपैयाँ नोक्सानी

^{काठमाण्डौँ,८ साउन । अबैध रुपमा चोरीपैठारी भइ मुलुकमा भित्रिने कपडा टेक्स्टायल बाट सरकारले  अर्बौ रुपैयाँ राजस्व गुमाइरहेको  छ । नेपाल धागो उत्पादक संघले  वार्षिक ४५ करोड मिटर टेक्स्टायल खपत हुने र जसमध्ये ३५ करोड मिटर अबैध रुपमा मुलकमा भित्रिने गरेको बताएको छ  । संघले राजधानिमा गरेको अन्तरक्रिया कार्यक्रमा संघका अध्यक्ष  पवन गेल्याणले मुलुकमा खुला सीमा भएको कारण चोरीछिपी ल्याउने तथा भन्सारमै न्यूनबिजकीकरण गर्ने लगायतको कारण अबैध रुपमा ठूलो परिमाणमा मुलुकमा धागो भित्रिरहेको बताए  । यसबाट सरकारले अबौ रुपैयाँ बराबरको राजस्व गुमाइरहेको उनको भनाइ  छ ।} 

 ^{१५ अर्ब रुपैयाँ लगानी रहेको नेपाली धागो उद्योगका लागि विदेशबाट कच्चा पदार्थ आयत गरी स्वदेशमा धागो उत्पादन भइरहेको छ । उद्योगले हाल १० हजार बढिलाई रोजगार दिएको र यसको भ्यालु एडिशन कम्तिमा पनि ५० प्रतिशत रहेको  संघले जनाएको छ । हाल मुलुकमा ठूला ४ टेक्स्टायल उद्योगहरु सञ्चालनमा छन् । जसमा ज्योति स्पीनीङ मिल्सले क्षमताको १० प्रतिशत मात्रै उत्पादन गरिरहेको छ । टेक्स्टायल तथा धागो उद्योग अन्तर्गत कपडा, होजियरी, निटिङ लगायतका उद्योगहरु पर्दछन् । अहिले चीनबाट समेत विभिन्न किसिमका कपडा मुलुकमा आयात भइरहेको छ ।संघको अनुसार हाल मुलुकमा कटन धागोबाट कपडा उत्पादन गर्ने कारखना थपिएको छैन आयात भने प्रतिवर्ष बढिरहेको अवस्था छ । भन्सारको कमजोरिको कारणले गर्दा अहिले मुलुकमा स्वदेशीभन्दा विदेशी धागोको प्रयोग बढेको हो । चीन र भातरबाट अबैध रुपमा आयात हुने धागोको कारण प्रतिस्पर्धा गर्न नसकेर स्वदेशी उत्पादनको ८० प्रतिशत धागो निर्यात गर्नु पर्ने अवस्था रहेको छ।}

^{यस्तै नेपाल कपडा उद्योग संघका उपाध्यक्ष जितेन्द्र लाहियाले भारतसँगको खुला सिमानाले अवैध धागो आयात बढ्दै गएको र  त्यस्तो धागो नेपालमा ‘डम्पिङ’ हुँदा स्वदेशी उद्योग धराशायी बन्दै गएको बताए । उनले भने ‘भारतबाट न्यून बिजकीकरण र चोरी–पैठारी भएर धागो भित्रिरहेको छ । चोरी–पैठारी निरुत्साहित गरी स्वदेशी उद्योगलाई प्रोत्साहन गर्न पटक–पटक लिखित तथा मौखिक रूपमा सरकारको ध्यानाकर्षण गराउँदै आए पनि  समस्या समाधान हुन सकेको छैन ।’}

^{धागो निर्यातमा चीनले १७ प्रतिशत, भारतले ५ देखि आवश्यकता अनुसार १० प्रतिशत अनुदान दिइरहँदा नेपालले पनि अनुदान बढाउन पर्ने धागो व्यवसायीहरुको जोड छ । कानूनी प्रक्रियाभन्दा बढी अवैध रुपमा नेपालमा टेक्स्टाइल आयात हुनेगरेको धागो व्यवसायीहरुले बताएका छन्}