भन्सार छलीको सामान, पिकअप गाडी सहित एक जना पक्राउ
रौतहट, २० चैत्र। रौतहटको गौरबाट प्रहरीले भन्सार छली गरेर ल्याएको सामान पिकअप गाडी सहित एक जनालाई पक्राउ गरेको छ । गौर नगरपालिका वडा न .४ बसपार्कबाट चेकजाँचका क्रममा बरामद गरेको हो ।
जिल्ला प्रहरी कार्यलय रौतहटले बुधबार एक प्रेस नोट जारी गरि प्र–२–०३–००१ ज १३१ नम्बरको पिकअप गाडीबाट किरानाको सामन बरामद गरेको उल्लेख गरेको छ ।
जिल्ला प्रहरी कार्यलय रौतहटका प्रवक्ता दिपक कुमार रायका अनुसार कटहरिया बस्ने बर्ष २२ को निरज कुमार साहलाई पक्राउ गरिएको छ । बरामद सामन र पिकअप गाडीको ७ लाख ९९ हजार ९६० मुल्यांकन गरिएको उनले जानकारी दिए ।
बरामद सामन , पिकअप गाडी र पक्राउ परेकालाई अवस्यक कारबाहीको लागि गौर भन्सारमा बुझाइएको जिल्ला प्रहरी कार्य लय रौतहटले जनाएको छ । पछिल्लो समयमा भारतसंग सिमा जोडिएको रौतहटमा विभिन्न नाकाबाट अवैध रुपमा विभिन्न सामनहरु तस्करी हुने गरेको छ ।
भारतीय बजारको विभिन्न सामाग्री विना भन्सार रौतहटको चन्द्रपुर, कटहरिया, गरुडा पुग्ने गरेको केही व्यापारीले बताएका छन् । विभिन्न नाकाबाट तस्करीको माध्यमबाट नेपालमा सामन भित्रन थालेपछि सरकारको राजस्वमा समेत प्रभावित हुदै आएको छ । लक्ष्मीपुर बेलबिछवा, महादेव पट्टी, टिकुलिया बाँध, लालबकैया, बन्जरहा, औरैया, मठिया, डुमरिया परोहा, राजपुर, बंकुल र नरकटिया भएर तस्करहरूले विभिन्न सामाग्री तस्कर गर्ने गरेको पाईन्छ ।
लताकपडा, श्रृंगारका सामन, ईलोक्ट्रोनिक्स उपकरण र खद्यान्न लगायतका सामनहरुको तस्करी समेत बढेपछि रौतहट प्रहरीको टोलीले सिमावर्ती क्षेत्रमा निगरानी बढाएको छ ।
