प्रदेश र स्थानीय तहका लागि आगामी आवमा १६७ अर्ब रुपैयाँ राजश्व बाँडफाँट हुने
काठमाडाैं, २१ चैत्र । सरकारले आर्थिक वर्ष २०८२/८३ का लागि प्रदेश र स्थानीय तहलाई १६७ अर्ब रुपैयाँभन्दा बढी राजश्व बाँडफाँट गर्ने अनुमान गरेको छ। अर्थ मन्त्रालयका अनुसार सातै प्रदेशका लागि ७८ अर्ब ८ करोड ५० लाख रुपैयाँ र स्थानीय तहका लागि ८८ अर्ब ९६ करोड ८० लाख रुपैयाँ वितरण गरिनेछ।
सबैभन्दा धेरै कोशी प्रदेशले १२ अर्ब ३९ करोड ६० लाख रुपैयाँ पाउनेछ भने मधेश प्रदेश दोस्रो स्थानमा रहेको छ, जसलाई १२ अर्ब ३५ करोड ८४ लाख रुपैयाँ उपलब्ध गराइनेछ। लुम्बिनी प्रदेशले ११ अर्ब ८६ करोड ५६ लाख, बागमती प्रदेशले ११ अर्ब ५२ करोड ८४ लाख, कर्णाली प्रदेशले १० अर्ब २७ करोड ३० लाख, सुदूरपश्चिम प्रदेशले ९ अर्ब ८७ करोड २५ लाख, र गण्डकी प्रदेशले ९ अर्ब ७९ करोड ११ लाख रुपैयाँ पाउनेछन्।
