ट्रम्पको नयाँ भन्सार नीति: विभिन्न देशहरूमा भन्सार शुल्क वृद्धि

काठमाडाैं, २१ चैत्र । अमेरिकी राष्ट्रपति डोनाल्ड ट्रम्पले नयाँ भन्सार नीति घोषणा गर्दै विश्वभरका आयातित सामानमा विभिन्न दरमा भन्सार शुल्क लगाउने निर्णय गरेका छन्। उनले सबै व्यापारिक साझेदार देशहरूलाई १० प्रतिशत भन्सार शुल्क तोकेका छन् भने प्रतिस्पर्धी देशहरूलाई पारस्परिक महसुल (रेसिप्रोकल ट्यारिफ) लागु गर्ने घोषणा गरेका छन्।

नयाँ नीतिअनुसार केही देशहरूलाई ५० प्रतिशतसम्म भन्सार शुल्क लगाइएको छ। लिसोथो र सेन्ट पियरी एन्ड मिकेलनलाई ५० प्रतिशत भन्सार निर्धारण गरिएको छ भने आठ देशलाई ४० प्रतिशतभन्दा बढी भन्सार लगाइएको छ। चीनलाई ३४ प्रतिशत, भारतलाई २७ प्रतिशत, जापानलाई २४ प्रतिशत, भियतनामलाई ४६ प्रतिशत, श्रीलंकालाई ४४ प्रतिशत र म्यानमारलाई ४५ प्रतिशत भन्सार तोकिएको छ।

यस नीतिपछि विभिन्न मुलुकहरूले ट्रम्पको आलोचना गरिरहेका छन् भने अमेरिकी अर्थविद्हरूले यो नीतिले अमेरिकी अर्थतन्त्रलाई नै असर गर्ने चेतावनी दिएका छन्। ट्रम्पले भने यो नीति अन्यायपूर्ण व्यापार सुधार्न र अमेरिकालाई ठगिनबाट जोगाउन ल्याइएको बताएका छन्।

कुन देशलाई कति भन्सार शुल्क?