शुक्रबार सुन-चाँदीको मूल्यमा ठूलाे गिरावट, कारोबारीहरू चकित
काठमाडौं, २२ चैत्र । नेपाली बजारमा शुक्रबार सुन र चाँदी दुबैको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघले सार्वजनिक गरेको पछिल्लो तथ्यांक अनुसार छापावाल सुन बिहीबारको तुलनामा प्रतितोला ३,९०० रूपैयाँले घटेको छ।
शुक्रबार छापावाल सुनको मूल्य प्रतितोला १,७६,४०० रूपैयाँमा झरेको छ, जुन बिहीबारको १,८०,३०० रूपैयाँभन्दा निकै कम हो। बिहीबारकै मूल्य हालसम्मकै सर्वाधिक उच्च मूल्य थियो।
त्यस्तैगरी, चाँदीको मूल्य पनि घटेको छ। बिहीबार प्रतितोला १,९९५ रूपैयाँमा कारोबार भएको चाँदी शुक्रबार घटेर १,८७० रूपैयाँमा झरेको हो। यसले प्रतितोला १२५ रूपैयाँको गिरावट देखाएको छ।
यसअघि बुधबार चाँदीको मूल्य प्रतितोला २,०२० रूपैयाँ रहेको थियो। लगातारका दिनहरूमा मूल्यमा आएको यस्तो उतारचढावले व्यवसायी तथा उपभोक्ता दुवैलाई असर पारेको छ।
