सिंहदरबारमा मेलम्चीको पिउने पानी आपूर्ति, बोतल र जारकाे पानीमा प्रतिबन्ध
काठमाडौं, १६ वैशाख । सरकारले अब सिंहदरबारमा मेलम्ची खानेपानीको आपूर्ति सुरु गर्ने निर्णय गरेको छ। सोही निर्णयअनुसार, अब सिंहदरबारको विभिन्न कार्यालयहरूमा पानीका बोतल तथा जारहरू प्रयोग गर्न प्रतिबन्ध लगाइने भएको छ।
सिंहदरबार देशको प्रमुख प्रशासनिक केन्द्र हो जहाँ प्रधानमन्त्री तथा मन्त्रिपरिषद्को कार्यालय, विभिन्न मन्त्रालयहरू र अन्य महत्वपूर्ण सरकारी निकायहरू अवस्थित छन्। यहाँ दैनिक हजारौं सरकारी कर्मचारी तथा आगन्तुकहरू आउनेगर्ने गर्दछन्।
मेलम्ची खानेपानी आयोजना काठमाडौं उपत्यकाका लागि दीर्घकालीन समाधानको रूपमा हेरिएको छ। यस आयोजनाबाट प्राप्त हुने शुद्ध पिउने पानीलाई अब सिंहदरबारमा नै आपूर्ति गरिने निर्णयले बोतल र जारमा पानीको प्रयोगलाई निरुत्साहित गर्ने उद्देश्य राखिएको बताइएको छ।
सरकारले यो कदमलाई वातावरणमैत्री र दीगो पानी व्यवस्थापनतर्फको पहलका रूपमा पनि लिएको छ। बोतल तथा जारको प्रयोग घटाउँदा प्लास्टिकको प्रयोगमा कमी आउने, खर्च कम हुने र कार्यालयको स्वच्छता तथा सरसफाइमा पनि सुधार आउने अपेक्षा गरिएको छ।
यो निर्णय कहिलेदेखि कार्यान्वयनमा आउने भन्नेबारेमा भने विस्तृत विवरण आउन बाँकी छ, तर प्रारम्भिक तयारी सुरु भइसकेको जनाइएको छ।
