गण्डकी प्रदेश सभा बैठक आज बस्दै, मुख्यमन्त्रीले महालेखा परीक्षकको प्रतिवेदन पेश गर्ने
गण्डकी, २३ असार । गण्डकी प्रदेश सभाको बैठक आज दिउँसो १ बजे बस्ने भएको छ । आगामी आर्थिक वर्ष २०८२/८३ को बजेट गत असार २७ गते पारित भएपछि स्थगित भएको बैठक आजबाट पुनः सुरु हुन लागेको हो ।
प्रदेश सभा सचिवालयका अधिकारी टीकाराम आचार्यका अनुसार, आजको बैठकमा गण्डकी प्रदेशका मुख्यमन्त्री सुरेन्द्रराज पाण्डेले महालेखा परीक्षकको सातौं वार्षिक प्रतिवेदन प्रस्तुत गर्ने कार्यक्रम रहेको छ । यस बैठकमा आगामी आर्थिक वर्षको नीति तथा कार्यक्रम र बजेट कार्यान्वयनका विषयमा थप छलफल हुन सक्ने सम्भावना छ ।
