रिलायन्स फाइनान्सले अर्क्स ग्रुपकाे गोल्डेन ड्र्यागन र जुबाओ ईभीलाई फाइनान्स गर्ने
काठमाडौं, १ असोज । रिलायन्स फाइनान्स लिमिटेडले अर्क्स ग्रुपले नेपाली बजारमा भित्र्याउने गोल्डेन ड्र्यागन र जुबाओ ब्रान्डका इलेक्ट्रिक गाडी (ईभी) लाई फाइनान्स गर्ने भएको छ।
नजिकिँदाे चाडपर्वलाई लक्षित गर्दै रिलायन्स फाइनान्स र अर्क्स मोटर्स प्रालिबीच यस सम्बन्धी एक समझदारीपत्रमा हस्ताक्षर भएको हो। उक्त सम्झौतापत्रमा रिलायन्स फाइनान्सका प्रमुख कार्यकारी अधिकृत (सीईओ) सुमज प्रकाश श्रेष्ठ र अर्क्स मोटर्सका सेल्स एण्ड अपरेशन डाइरेक्टर दीपक थापाले हस्ताक्षर गरेका छन् ।
यस सम्झौतासँगै अब ग्राहकहरूले रिलायन्स फाइनान्सबाट सहुलियतपूर्ण ब्याजदरमा गोल्डेन ड्र्यागन र जुबाओ इलेक्ट्रिक गाडीहरू किन्न सक्नेछन्। इलेक्ट्रिक गाडीहरूको बढ्दो मागलाई सम्बोधन गर्न यो सहकार्य महत्वपूर्ण रहने दुवै पक्षले बताएका छन्।
साथै यो सहकार्यले वातावरणमैत्री सवारी साधन खरिद गर्न चाहने ग्राहकहरूलाई सहज हुने विश्वास गरिएको छ।
