पुरानो बोनस शेयर खारेज गर्दै मेगा बैंकको नयाँ बोनस शेयर प्रस्ताव

काठमाडौं, ३० जेठ । मेगा बैंकले यसअघि घोषणा गरेको बोनस दर खारेज गर्दै नयाँ बोनस शेयर प्रस्ताव गरेको छ । मंगलबार सम्पन्न बैंक सञ्चालक समितिको बैठकले गत आर्थिक बर्षको नाफाबाट सेयरधनीलाई १०.७५ प्रतिशत बोनस वितरण गर्ने प्रस्ताव गरेको हो । यो बोनस शेयर मेगा बैंक र टुरिज्म डेभलपमेन्ट बैंकका सम्पूर्ण शेयरधनीलाई एकमुष्ट रुपमा प्रस्ताव गरिएको हो ।
बैठकले यसअघि मेगा बैंक र टुरिज्म डेभलपमेन्ट बैंकले मर्जर हुनु अघि प्रस्ताव गरेको बोनस शेयर खारेज गरेको छ । यसअघि टुरिज्म डेभलपमेन्ट बैंकले चुक्ता पुँजीको १५ प्रतिशत र मेगा बैंकले ९.४५ प्रतिशत बोनस शेयर दिने प्रस्ताव गरेको थियो ।
यी दुई बैंक मर्ज भएपछि चुक्त पुँजी ९ अर्ब २८ करोड ६८ लाख ३१ हजार ३७९ रुपैयाँ पुगेको छ । बैंकका अनुसार अब लगानीकर्ताले यो पुँजीको १०।७५५ बोनस सेयर पाउनेछन् । बोनस पछि बै.कको चुक्ता पुँजी १० अर्ब २४ करोड रुपियाँ पुग्नेछ ।

Leave a Reply

Your email address will not be published. Required fields are marked *