फ्रान्सका राजदुत र उद्योग परिसंघका पदाधिकारी बीच भेटवार्ता
काठमाडौं, २० असोज । नेपालका लागि फ्रान्सका नवनियुक्त राजदूत फंस्वा जाभियर लेजेसँग नेपाल उद्योग परिसंघका पदाधिकारीले भेटवार्ता गरेका छन् । सो अवसरमा राजदूत लेजेले नेपालको विकास एवम् समृद्धिका लागि नेपाली उद्योगी र फ्रान्सेली उद्योगीबीचको सम्बन्ध प्रवद्र्धन गर्न इच्छुक रहेको बताए ।
राजदूतले नेपालको औद्योगिक, पर्यटन एवम् हवाई क्षेत्रको विकासमा सहकार्य गर्न फ्रान्स इच्छुक रहेको बताउँदै समृद्धिको मार्गमा अघि बढेको नेपालको वर्तमान अवस्थामा नेपालमा फ्रान्सको लगानी भित्र्याउन पहल गर्ने बताए ।
परिसंघका अध्यक्ष हरिभक्त शर्माले नेपालमा विकासको आधारका साथै लगानीको उचित वातावरण सृजना भएको हुँदा फ्रान्सेली उद्योगीका लागि नेपाल लगानीको राम्रो क्षेत्र हुने बताए ।
