मंगलबार दोहोरो अंकले बढ्यो नेप्से
काठमाडौं, १८ नेपाल स्टक एक्सचेन्ज ९नेप्से० मा मंगलबार दोहोरो अंकको वृद्धि भएको छ । आईतबार बजारमा गिरावट देखिएको भएता पनि सोमबार सामान्य अंकले बढको नेप्से मंगलबार भने १० दशमलव २७ अंकले बढेर १ हजार १ सय ४२ दशमलव शुन्य १ को विन्दुमा बन्द भएको छ ।
मंगलबार सबै भन्दा बढी कारोबार नेपाल बैक लिमिटेडको भएको छ । बैंकको ११ करोड ४२ लाख ८८ हजार २६१ रुपैयाँको कारोबार भएको छ । साथै लक्ष्मी लघुवित्त संस्थाका लगानीकर्ताले सबैभन्दा धेरै करिब १० प्रतिशतले कमाउँदा महिला सहयात्रा लघुवित्तका लगानीकर्ताले पनि १० प्रतिशतकै हाराहारीमा गुमाएका छन् ।
आज कुल १ सय ६१ कम्पनीको १२ लाख २२ हजार १४४ कित्ता शेयर किनबेच हुँदा ३८ करोड भन्दाँ बढीको सेयर कारोबार भएको छ । यसै गरि मंगलबार सबैभन्दा बढी विकास बैंक समूह ३२ दशमलव शून्य २ अंकले बढेको छ । समग्र परिसूचक बढेको भएता पनि बैंकिङ र व्यापार समूहमा भने गिरावट आएको छ ।
