सानिमा बैंकले १४ प्रतिशत लाभांश दिने
काठमाडौं, २७ मंसिर । सानिमा बैंक लिमिटेडले सेयरधनीलाई चुक्ता पुँजीको १४ प्रतिशत नगद लाभांश प्रदान गर्ने भएको छ । बैंकको १४ औ वार्षिक साधारण सभाले उक्त प्रस्ताव पारित गरेको हो ।
आर्थिक वर्ष २०७४, ७५ मा बैँकले १ अर्ब ७० करोड रुपैयाँ मुनाफा गरेको थियो । बैंकको कुल सम्पत्ति ९१ अर्ब ८२ करोड रुपैयाँ, कुल निक्षेप ७९ अर्ब १८ करोड रुपैयाँ तथा कर्जा सापटी खुद ६९ अर्ब २४ करोड रुपैयाँ रहेको छ ।
