मुक्तिनाथ विकास बैंकद्धारा जीवन विज्ञान प्रतिष्ठानलाई सहयोग

काठमाडौं, ८ पुस । मुक्तिनाथ विकास बैंकले जीवन विज्ञान प्रतिष्ठानलाई १ लाख नगद सहयोग गरेको छ । संस्थागत सामाजिक उत्तरदायित्व कार्यक्रम अन्तर्गत बैंकले स्वतन्त्र सामाजिक आध्यात्मिक संस्था श्री जीवन विज्ञान प्रतिष्ठानलाई नयाँ ध्यान कक्ष निर्माणका लागि रू एक लाख सहयोग स्वरुप चेक प्रदान गरेको छ । उक्त चेक जीवन विज्ञान प्रतिष्ठानका श्री विवेक गुरागाईले ग्रहण गर्नुभएको थियो । जीवन विज्ञान प्रतिष्ठान मनुष्यमा अन्तरर्निहित प्रतिभा, सिर्जना, सुख, शान्ति र समृद्धिको मूल मन्त्रलाई अपनाउँदै विभिन्न कार्यक्रमहरु सञ्चालन गर्दै आएको छ ।