चन्द्रागिरी जाने पर्यटकलाई सेवा दिन आइएमई ट्राभलद्वारा बस सेवा सुरु
काठमाडौं, १७ पुस । आइएमई ग्रुप अन्तर्गत संचालित आइएमई ट्राभलले अंग्रेजी नयाँ वर्ष–२०१९ को अवसरमा काठमाडौंको पानीपोखरी देखि थानकोटाको चन्द्रागिरी केवलकार स्टेशन सम्म सटल बस सेवाको प्रारम्भ गरेको छ । चन्द्रागिरि हिल्स लिमिटेडको सीटी सम्पर्क कार्यालय पानीपोखरी स्थित आइएमई कमप्लेक्सबाट हरेक दिन विहान १० बजे छुट्ने बसले लाजिम्पाट, कान्तिपथ, सोह्रखुट्टे, सोल्टीमोड, कलंकीहुँदै चन्द्रागिरि हिल्स लिमिटेडको बेस स्टेसनसम्म सेवा दिनेछ ।
त्यस्तै साँझ ४ बजे चन्द्रागिरि हिल्स लिमिटेडको बेस स्टेसनबाट छुट्ने उक्त बस सेवा कलंकी, सोल्टीमोड, सोह्रखुट्टे, कान्तिपथ, लाजिम्पाटहुँदै पानीपोखरी सम्म आइपुग्ने छ । चन्द्रागिरि जाने स्वदेशी तथा विदेशी पर्यटकहरूको सहज आवागमनलाई मध्यनजर गर्दै बस सेवा संचालनमा ल्याएइको आइएमई ट्राभलका प्रमुख कार्यकारी अधिकृत बिनोद सापकोटाले जानकारी दिए ।
