सेयर बजारमा सुस्तता, जम्मा ३० करोडको कारोबार
काठमाडौं, ४ असार । बुधबार सेयर कारोबारमा सुस्तता देखिएको छ । केहि दिनयता क्रमशः घट्दै आएको बजारमा बुधबार पनि ०.२० अंकले घटेको छ । कारोबार पनि एक सय ६९ कम्पनीको जम्मा ३० करोड ४१ लाख रुपैयाँ बराबरको मात्र भएको छ।
कारोबारमा बैंकिङ, होटल, हाइड्रोपावर, निर्जीवन बीमा, माईक्रोफाइनान्स र म्यूचुअल फन्ड उपसूचक ऋणात्मक छ भने विकास बैंक, फाइनान्स, उत्पादन तथा प्रशोधन, जिवन बीमा र अन्यको उपसूचक सकारात्मक छ ।
एनआइसी एशिया बैंकको सबैभन्दा उच्च अर्थात २ करोड १७ लाख रुपैयाँको सेयर कारोबार भएको छ । प्रभु बैंक, नेपाल बैंक, नेपाल इन्भेष्टमेन्ट बैंकको पनि धेरै कारोबार भएको छ ।
असार लागेपछि बजार माथि जाने अनुमान गरिएको थियो । तर पछिल्लो समय झन सेयर बजार परिसूचकसँगै कारोबारमा पनि सुस्तता छाएको छ। यतिबेला बजारमा तरलताको अभाव हुनुका साथै लगानीकर्ता मौद्रिक नीतिको समेत प्रतिक्षामा रहेका कारण कारोबारमा सुस्तता छाएको विश्लेषण गरिएको छ।
