‘पाँचौं नेपाल चेम्वर एक्स्पो २०२०’ आगामी फागुनमा हुने
काठमाडौं, १९ असार । ‘पाँचौं नेपाल चेम्वर एक्स्पो २०२०’ आगामी फागुन १३ देखि १७ सम्म आयोजना हुने भएको छ । नेपाल चेम्बर अफ कमर्सको आयोजनामा हुन लागेको एक्स्पोमा नेपाल, भारत, चीन, थाइल्याण्ड, पाकिस्तानलगायतका ९० वटा राष्ट्रिय तथा अन्तर्राष्ट्रिय कम्पनी र उद्योगी व्यवसायीहरुको सहभागिता रहने जनाईएको छ ।
त्यस्तै एक्स्पोमा राष्ट्रिय तथा अन्तर्राष्ट्रिय यान्त्रिक उपकरणहरु, विद्युतीय उपकरण, फ्लोरिङ तथा फर्निसिङ, होम अप्लाइन्सेज, फेसन वेयर एण्ड एकसेसरिजका २ सय ५० भन्दा बढी प्रदर्शनी कक्षहरु रहने छन् । एक्स्पो काठमाडौंको भृकुटीमण्डपमा ५ दिनसम्म चल्ने छ ।
