बीमाको पहुँच २० प्रतिशत जनतामा, चालु वर्षमा १० प्रतिशत पहुँच बृद्धिको लक्ष्य
काठमाडौं, ६ साउन । बीमा क्षेत्रको नियामक निकाय बीमा समितिले चालु आर्थिक वर्ष भित्र बीमाको पहुँच कूल जनसंख्याको ३० प्रतिशत जनतामा पु¥याउने लक्ष्य लिएको छ । गतआर्थिक वर्षको अन्तसम्ममा बीमाको पुहँच २० प्रतिशत जनतामा पुगेको अनुमान गरिएको समितिका कार्यकारी निर्देशक राजुरमण पौडेलले जानकारी दिए ।
तेस्रो त्रैमाससम्ममा बीमाको पहुँच १७ प्रतिशत जनतामा पुगेको थियो । पुहँच विस्तारका लागि ग्रामिण क्षेत्रमा विभिन्न सचेतनामुलक कार्यक्रम संचाल गर्ने उनले जानकारी दिए । त्यस्तै घुम्ती बीमालाई प्रसय दिइने छ । त्यसमार्फत निम्नआय भएकाहरुलाई पनि बीमामा आवद्ध गराउन सक्ने उनको भनाई छ।
बीमाको क्षेत्रको सुशासन अभिबृद्धिलाई पनि चालु आर्थिक वर्षमा विशेष प्राथमिकता दिने जनाइएको छ । त्यसका लागि सरकारले बजेटमा निर्देशन गरे अनुसार कार्यक्रमहरु तय गरिएको जानकारी दिइएको छ । यसबाहेक बीमा निर्देशिका, विमक निर्देशिका, पुनर्बीमा नीति तर्जुमा गरिने कार्यकारी निर्देशक पौडेलले जानकारी दिए ।
समितिका अनुसार हाल अहिले मुलुकमा १९ वटा जीवन, २० वटा निर्जीवन र एक पुनर्बीमा कम्पनी संचालनमा छन् । त्यसमा ८ हजारले प्रत्यक्ष रोजगारी पाएका छन् भने ५ लाख अभिकर्ताहरुले काम गरिरहेका छन् ।
