त्रिशुली नदी बस खस्दा ३ को मृत्यु दर्जन बढी घाइते
काठमाडौ,२४ साउन । धादिङको वेनिघाट स्थित त्रिशुली नदीमा वस खस्दा ३ जनाको मृत्यु भएको छ। दर्जनभन्दा बढी यात्रु घाइते छन् भने केही हराइरहेका छन् । सर्लाहीबाट काठमाडौं आउँदै गरेको ना ६ ख ७४६९ नम्बरको बस शुक्रबार बिहान धादिङको वेनिघाट रोराङ गाउँपालिका ३ सोलाङघाटमा त्रिशुली नदीमा खसेको हो।
मृत्यु हुने तीन जना पुरुष रहेको र उनीहरुको परिचय नखुलेको धादिङका प्रहरी प्रमुख एसपी राजकुमार वैदवारले जानकारी दिए। उनका अनुसार १४ जनालाई उद्दार गरी उपचारका लागि विभिन्न अस्पताल पठाइएको छ। बसको अधिकांश भाग नदीमा डुबेको र नदीमा पानीको वहाव अत्यधिक भएकाले उद्दारमा कठिनाइ भइरहेको एसपी वैदवारले बताए। बसमा कति यात्रु सवार थिए भन्ने खुल्न सकेको छैन।
