सेञ्चुरी बैंकद्वारा विद्यालयलाई सहयोग
काठमाडौं, ७ असोज । सेञ्चुरी कमर्सियल बैंकले सिन्धुपाल्चोकको मेलम्ची नगरपालिका वडा नं. १०, शिखरपुरस्थित श्री शीतला देवी माध्यमिक विद्यालयलाई खानेपानी फिल्टर सहयोग गरेको छ । बैंकले संस्थागत सामाजिक उत्तरदायित्व अन्तर्गत उक्त विद्यालयको बालबालिकाहरुलाई स्वच्छ खानेपानीको उचित व्यवस्थापन गर्न १३ थान खानेपानी फिल्टर हस्तान्तरण गरेको हो ।
बैंकका पनौती शाखा प्रबन्धक हरि कृष्ण दाहालले विद्यालयका प्रधानाध्यपकलाई सो खानेपानी फिल्टर हस्तान्तरण गरेका हुन् ।
