संसदको हिउँदे अधिवेशनबाट आर्थिक क्षेत्र सम्बन्धि दर्जनौ ऐन पास हुँदै
काठमाडौं, ११ पुस । संघीय संसदको जारी हिउँदे अधिवेशनमा आर्थिक क्षेत्रसँग सम्बन्धित दर्जनौ ऐनहरु पेश हुँदैछ । कतिपय संसदमा पेश भइसकेका छन् भने केही निर्माणको क्रममा छन् ।
संसदको वर्षे अधिवेशनमा बजेट सम्बन्धि कानुनहरु पास गर्नु परेकाले यसअघि पेश भएका ऐनहरु माथि छलफल नै सुरु हुन पाएको छैन । अमेरिकी सहायतासँग सम्बन्धि मिलिनियम च्यालेन्ज सम्झौता, ठुला पूर्वाधार आयोजना सम्बन्धित ऐन, बीमा ऐन, बैंक तथा वित्तीय संस्था सम्बन्धित ऐनको संशोधन र राष्ट्र बैंक ऐन संशोधनका लागि संसदमा पेश भइसकेको छ । ति ऐनहरु छलफल सहित संसदबाट पास हुन बाँकी छ ।
यसका साथै बहुचर्चित सार्वजनिक खरिद ऐन पनि यही अधिवेशनमा संसदमा पेश गर्ने अर्थमन्त्रालयको तयारी छ । यस्तै, आर्थिक क्षेत्रसम्बन्धित अन्य दर्जनौ ऐनहरु निर्माण एवं संशोधनको तयारी भइरहेको अर्थमन्त्री डा.युवराज खतिवडाले जानकारी दिए ।
त्यसले मुलुकको विकास निर्माणलाई तीब्र बनाउनुका साथै आर्थिक क्षेत्रलाई थप प्रतिस्पर्धी र पारदर्शी बनाउने विश्वास मन्त्री खतिवडाको छ ।
