शिखरको विन्टर सेल मेला संचालनमा, मेलामा १५ देखि ७० प्रतिशतसम्म छुट
काठमाडौं, २ माघ । शिखर सुजले राजधानीको भृकुटीमण्डपमा लगाएको विन्टर सेल मेला आयोजना गरेको छ । एक सातादेखि संचालित उक्त मेलामा सर्वसाधारणहरुको भिड बढ्दै गएको आयोजकले बताएको छ ।
शिखरले मेलामा फ्यक्ट्रीकै मुल्यमा जुत्ताचप्पल उपलब्ध गराएको छ । शिखरले जुत्ताचप्पलमा ७० प्रतिशतसम्म छुट दिएको छ । शिखरले स्वदेशमै जुत्ताचप्पल उत्पादन गर्दै आएको छ ।
बजारमा ५ सय रुपैयाँ प्रतिजोरमा बिक्री हुने महिलाका चप्पल मेलामा दुई जोर ४ सय रुपैयाँमा बिक्री भइरहेको छ । बजारमा १३ सय रुपैयाँसम्म पर्ने स्कुले विद्यार्थीको जुत्ता मेलामा ५ सय रुपैयाँ प्रतिजोर, युवाले रुचाउने कन्भर्स डिजाइनको पाण्डा सुज प्रतिजोर ४ सय रुपैयाँदेखि ६ सय रुपैयाँमा दुई जोरसम्म उपलब्ध छ । कपडाको न्यानो टिम्स सुज ५ सय रुपैयाँमा दुई जोर उपलब्ध गराइरहेका छौं । यस्तै बजारमा ७ सय रुपैयाँ पर्ने क्याजुअल सुज ४ सय रुपैयाँमा, बजारमा १५ सयदेखि २५ सय रुपैयाँ पर्ने स्पोर्टस सुज मेलामा १ हजार रुपैयाँमा, बजारमा २५ सयदेखि ३५ सय रुपैयाँसम्म पर्ने जुत्ता मेलामा १५ सय रुपैयाँमा उपलब्ध गराएको छ । मेलामा ग्राहकले अविश्वसनीय मूल्यमा जुत्ताचप्पल पाइरहनु भएको छ । मेलामा झण्डै ६ सय थरी डिजाइनका जुत्ताचप्पल राखिएको छ । यसले गर्दा उपभोक्ताले भेराइटी बीच छानेर किन्न पाउने छन् ।
