नेपाली अधिकारीहरुको दोस्रो व्याचलाई भ्रष्टाचार विरुद्ध विशेष कोर्षको प्रशिक्षण सुरु
काठमाडौं, २२ पुस । अख्तियार दुरुपयोग अनुसन्धान आयोगका अधिकारीहरुको दोस्रो ब्याचलाई भ्रष्टाचार विरुद्ध विशेष कोर्ष प्रशिक्षण भारतको गान्धी नगरस्थित गुजरात फरेन्सिक साइन्सेस युनिभरसिटीमा सुरु भएको छ । ‘ठगी, घूसखोरी र भ्रष्टाचार निवारण’ विषयमा सोमबारदेखि सुरु भएको प्रशिक्षण आगामी पुस २६ गतेसम्म चल्ने छ । प्रशिक्षणमा नयाँ तथा उपयोगी विचारसहित अनुसन्धान कार्यलाई अघि बढाउन थप सहयोग पुग्ने सहभागीको अपेक्षा छ ।
दास्रो व्याचको प्रशिक्षणमा आयोगका २१ जना अधिकारीहरु सहभागी रहेका छन् भने यस अघि २१ जनाले पहिलो ब्याचको प्रशिक्षण लिएका थिए । उनीहरुले गत मंसीर ३० गतेदेखि पुस ५ गतेसम्म सोही विषयमा प्रशिक्षण लिएका थिए ।
सरकारको आग्रहमा अख्तियार दुरुपयोग अनुसन्धान आयोगका ४२ जना अधिकारीका लागि यो कार्ष तयार पारिएकोे हो । नेपालमा भ्रष्टाचारका गतिविधिहरुमा अंकुश लगाउन र सुशासन कायम राख्न यो कोर्षलाई विशेष रुपमा लिइएको छ । अख्तियार दुरुपयोग अनुसन्धान आयोगको संस्थागत क्षमतालाई सुदृढ बनाउँन यो प्रशिक्षणले सहयोग गर्ने अपेक्षा गरिएको छ ।
