थप ११४ जनामा कोरोना संक्रमण, नेपालमा कोरोना संक्रमितको संख्या ८८६ पुग्यो

काठमाडौं, १४ जेठ । नेपालमा कोरोना संक्रमितको संख्या ८८६ पुगेको छ । मुलुकका विभिन्न स्थानमा रहेका प्रयोगशालामा गरिएको परिक्षणमा थप ११४ जनामा कोरोना संक्रमण पुष्टि भएको हो ।
आज थप २८ जना निको भएर डिस्चार्ज भएसँगै निको हुनेको संख्या १८३ पुगेको छ भने ४ जनाको कोरोना संक्रमणबाट मृत्यु भएको छ ।

त्यस्तै हालसम्म पीसीआर विधिबाट ५८ हजार २७७ वटा र आरडीटी विधिबाट १ लाख २८७ परिक्षण गरिएको छ ।
त्यसैगरी ७० हजार ३०५ क्वारेन्टाइनमा रहेका छन् ।