सुनको मूल्यमा नयाँ रेकर्ड, तोलाको ९० हजार नजिक

काठमाडौं, २९ जेठ । पछिल्ला केही दिनयता सुनको मूल्यमा निरन्तर बृद्धि हुँदै आएको छ। आज पनि सुनको मूल्य प्रतितोला १ हजार रुपैयाँले बढेको छ । नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला ८९ हजार ६ सय र तेजाबी सुनको मूल्य ८९ हजार १ सय ६५ रुपैयाँ कायम भएको छ।

त्यस्तै, चाँदीको मूल्य प्रतितोला ९ सय ५० रुपैयाँ कायम भएको छ।

हिजो छापावाल सुन प्रतितोला ८८ हजार ६ सय र तेजाबी सुन ८८ हजार १६० रुपैयाँ कायम भएको थियो । यद्यपी लकडाउनले बजार बन्द हुँदा कारोबार भने नभएको व्यवसायीहरुले बताएका छन् । गत चैत ११ देखि गरिएको लकडाउनका कारण अत्यावश्यक बाहेकका उद्योग, कलकारखाना तथा पसलहरु संचालन हुन पाएको छैन ।