सुनको मूल्य लगातार बढ्दो, आइतवार तोलाको ९१ हजार ३ सय

काठमाडौं, १४ असार । सुनको मूल्य लगातार बढेर नयाँ रेकर्ड बनाएको छ । यही क्रममा आइतवार हालसम्मकै उच्च मूल्य प्रतितोला ९१ हजार ३०० रुपैयाँ पुगेको छ । नेपाल सुनचाँदी व्यवसायी महासंघका अनुसार शुक्रवार तोलामा ९० हजार ६ सय रुपैयाँमा कारोबार भएको सुन आइतवार ७ सय रुपैयाँ बढेको हो । यसअघि असार ११ गते सुनको मूल्य प्रतितोला ९१ हजार १०० रुपैयाँ पुगेर रेकर्ड बनाएको थियो । आइतवार यसैगरी तेजावी सुनको मूल्य तोलाको ९० हजार ८६० रुपैयाँ रहेको छ ।