घुस लिने इन्जिनियरलाई नगरपालिकाले गर्यो बर्खास्त
काठमाडौं, १ साउन । अख्तियार दुरुपयोग अनुसन्धान आयोगले असार ३१ गते १ लाख घुस सहित पक्राउ गरेका ईन्जिनियर मिलन अधिकारीलाई ढोरपाटन नगरपालिकाले बर्खास्त गरेको छ । नगरपालिकाले बिहीबार एक विज्ञप्ति जारी गर्दै साउन १ गतेका दिनदेखि लागु हुने गरी उनलाई पदमुक्त गरिएको जानकारी दिएको छ ।
अधिकारी गत जेठ ५ गतेदेखि नगरपालिकामा ईन्जिनियरको रुपमा कार्यरत थिए । उनलाई पोखरा महानगरपालिकाको जिरो कि.मि.बाट अपभोक्ता समितिबाट १ लाख रुपैयाँ लिँदै गर्दा अख्तियारको टोलिले पक्राउ गरेर अनुसन्धान गरिरहेको छ ।
त्यस्तै यो घटनामा नगरपालिकाका कुनै पनि कर्मचारी र पदाधिकारीहरुको संलग्नता नभएको नगरपालिकाले स्पष्ट पारेको छ ।
