उपाध्यायको पुस्तक ‘काबल्स एन्ड कार्टल्स’ बजारमा
काठमाडौं, २२ साउन । लेखक राजीव उपाध्यायको पुस्तक ‘काबल्स एन्ड कार्टल्स’ सार्वजनिक गरिएको छ । आज ललितपुरमा एक कार्यक्रमकाबीच पुस्तक सार्वजनिक गरिएको हो ।
पुस्तक पछिल्लो तीन दशकमा मुलुकमा भएका विभिन्न आर्थिक, सामाजिक र राजनीतिक परिर्वतन लगायतका विषयबस्तु माथि केन्द्रित छ । पुस्तक माथि टिप्प्णी गर्दै अर्थशास्त्री डा. विश्व पौडेलले पछिल्लो तीन दशकमा मुलुकमा भएका विभिन्न गतिविधिहरुबारे जानकारी लिनका लागि पुस्तक निकै उपयोगी भएको बताए । त्यस्तै अर्का टिप्पणीकार पत्रकार किशोर नेपालले नेपालबारे जान्ने उपयुक्त माध्यम भएको बताए ।
अंग्रेजी भाषामा तयार पारिएको उक्त पुस्तक फाइन प्रिन्टले बजारमा ल्याएको हो । उपाध्याय पूर्व पत्रकार समेत हुन ।
