हिमाल चढ्न बहराइनका राजकुमार सहितको टोली नेपालमा
काठमाडौं, ३१ भदौ । बहराइनका राजकुमारसहितको टोली नेपालीका दुई हिमाल आरोहणको सिलसिलामा काठमाडौं अवतरण गरेको छ । त्रिभुवन विमानस्थल कार्यालयका अनुसार बिहान करिव ११ बजे उनीहरु चढेको जहाज काठमाडौं आएको हो ।
उनीहरुलाई शेख इशा एयरवेजबाट विशेष विमानले काठमाडौं विमानस्थलमा ल्याएको हो । टोलीमा बहराइनको डिफेन्स फोर्समा कार्यरत १५ जना बहराइनी तथा ३ जना बेलायती नागरिक रहेका छन् ।
दुई महिना नेपाल बस्ने यो टोलीले लोबुचे र मनास्लु हिमाल आरोहण गर्नेछ ।
