उद्यमशिलता र नवप्रबर्तनलाई प्रोत्साहन गर्न किंग्स् कलेज र मिट भेन्चर्सबीच सम्झौता
काठमाडौं, २ असोज । किंग्स् कलेज र सिंगापुरस्थित मिट भेन्चर्सले आपसी सहकार्य गर्ने भएको छ । उद्यमशिलताको क्षेत्रमा बृहत अनुभव एव श्रोतयुक्त यी दुई संस्थाहरुले उद्यमशिलता एवं नवप्रबर्तनको अवधारणालाई राष्ट्रियमात्रै नभइ क्षेत्रीयस्तरमै कार्यान्वयन तथा प्रबद्र्धन गर्ने उदेश्यले सम्झौता भएको जनाइएको छ ।
सम्झौता अनुसार किंग्स् कलेजले मिट भेन्चर्स्लाई नेपालका साथसाथै दक्षिण एसियाका आशा लाग्दा स्टार्टअपसमक्ष पहुँच हासिल गर्न सघाउनेछ। यस्तै, कलेजले विभिन्न अनुसन्धान तथा इन्क्युबेशन कार्यक्रममार्फत यस क्षेत्रबाट हाँसिल भएका ज्ञान तथा उत्कृष्ट अभ्यासहरुलाई मिट भेन्चर्स्सँग साझा गर्ने छ।
