कामना सेवाले हायर पर्चेज कर्जा तथा अटो रिक्सा कर्जा सुविधाको व्याजमा छुट दिने

काठमाडौं, २ असोज । कामना सेवा विकास बैंक लिमिटेडबाट व्यावसायिक प्रयोजनको लागि हायर पर्चेज कर्जा तथा अटो रिक्सा कर्जा सुविधा लिई व्यवसाय गर्दै आएका ग्राहकलाई व्याजमा विशेष छुट दिने भएको छ । कोरोना भाइरस (कोभिड–१९)ले अटो सिक्सा व्यवसायमा प्रभाव परेको भन्दै बैंकले व्याजदरमा छुट योजना सार्वजनिक गरेको हो ।

बैकले स्वरोजगारको लागि अटो रिक्सा लिएका न्यून आय भएका ऋणीलाई बैंकको हालसम्म साँवा तथा ब्याज बक्यौता चुक्ता गरेमा भादौ महिनाको व्याजमा शतप्रतिशत छुट दिने जनाएको छ । बैंकले साउन महिनाको व्याजमा यातायात व्यवसायीलाई ५० प्रतिशत तथा होटल तथा रेष्टुरेण्ट व्यवसायीहरुलाई ७० प्रतिशत छुट दिइ कोभिड–१९ बाट प्रभावित व्यवसायीहरुलाई सहुलियत प्रदान गरिसकेको छ ।

त्यस्तै बैंकले पछिल्लो योजनामा यातायात व्यवसायीहरुको मागलाई सम्बोधन गरी राहत प्रदान गर्ने उद्देश्यले बैंकले पुनः भदौ महिनाको ब्याजमा छुटको योजना समेत ल्याएको छ । यातायात व्यवसायीहरुलाई समेत सम्पूर्ण बक्यौता भुक्तान गरेमा भदौ महिनाको ब्याजमा ३० प्रतिशत छुट दिने योजना ल्याएको छ ।

साथै आफ्नो सम्पूण बक्यौता चुक्ता भुक्तान गर्ने यातायात व्यवसायी तथा अटो रिक्सा व्यवसायीलाई ब्याजदरमा परिमार्जन गरी चालु आर्थिक वर्षको त्रैमासको ब्याजदर ९.९९ प्रतिशत कायम गरिने बैंकले जनाएको छ । यो योजनाले यातायात व्यवसायी र न्यून आय भएका अटो रिक्सा व्यवसायीहरुले अधिकतम लाभ प्राप्त गरी व्यवसाय सञ्चालनमा थप सहजता हुने बैंकले विश्वास लिएको छ ।

हाल बैंकले १२४ वटा शाखा कार्यालय र ६६ वटा एटीएममार्फत सेवा दिँदै आएको छ ।

Leave a Reply

Your email address will not be published. Required fields are marked *