बुधबार पनि घट्यो सुन र चाँदीकै मूल्य

काठमाडौं, ७ असोज । बुधबार सुनको मूल्य प्रतितोला १ हजार ३०० रुपैयाँ घटेको छ । हिजो प्रतितोला ९५ हजार ५०० रुपैयाँमा खरिद विक्री भएको सुन आज घटेर ९४ हजार २०० रुपैयाँमा खरिद विक्री भइरहेको नेपाल सुनचाँदी व्यवसायी महासंघले जनाएको छ ।

त्यस्तै आज चाँदीको मूल्य पनि घटेको छ । आज चाँदी प्रतितोला ४० रुपैयाँ घटेको हो । चाँदी प्रतितोला १ हजार १९० रुपैयाँमा खरिद विक्री भइरहेको छ ।

स्मरण रहोस् स्थानीय बजारमा गत साउन २३ गते सुनको मूल्य सर्वाधिक वृद्धि भई एक लाख ३ हजार ५०० रुपैयाँ पुगेको थियो ।