आरएसडिसी लघुवित्तको साधारणसभा पुस २४ गते, १२.६३ प्रतिशत लाभांश प्रस्ताव पारित गर्ने

काठमाडौं, २८ मंसिर । आरएसडिसी लघुवित्त वित्तीय संस्था लिमिटेडको सातौं वार्षिक साधारणसभा पुस २४ गते बुटवलमा हुने भएको छ । गत आर्थिक वर्षको मुनाफाबाट शेयरधनीलाई वितरण गर्ने घोषणा गरेको लाभांश पारित गर्न कम्पनीले साधारणसभा बोलाएको हो ।
सभाले हाल कायम चुक्ता पूँजीको ९ प्रतिशत बोनस शेयर र ३.६३ प्रतिशत नगद लाभांश गरी कुल १२.६३ प्रतिशत लाभांश वितरण गर्ने प्रस्ताव पारित गर्नेछ । साधारण सभा प्रयोजनका लागि कम्पनीले पुस १० गते बुकक्लोज गर्नेछ, जसअनुसार त्यसभन्दा अघिल्लो दिन अर्थात् पुस ९ गतेसम्म नेप्सेमा कारोबार भई कायम शेयरधनी साधारणसभामा सहभागी हुन र लाभांश पाउन योग्य हुनेछन् ।