यो वर्ष नेपालको आर्थिक बृद्धिदर ०.६ प्रतिशत रहने विश्व बैंकको प्रक्षेपण

काठमाडौं, २२ पुस । चालु आर्थिक वर्ष २०७७–७८ मा नेपालको आर्थिक वृद्धिदर ०.६ प्रतिशत रहने विश्व बैंकको प्रक्षेपण छ । मंगलबार सन् २०२१ को पहिलो प्रतिवेदन ‘ग्लोबल इकोनोमिक प्रस्पेक्ट’ सार्वजनिक गर्दै विश्व बैंकले यस्तो प्रक्षेपण गरेको हो ।

सरकारले बजेट मार्फत भने चालु आर्थिक वर्षमा ७ प्रतिशतको आर्थिक बृद्धिको लक्ष्य राखेको छ। विश्व बैंकका अनुसार दक्षिण एसियाली भेगमा यस वर्ष सबैभन्दा गहिरो आर्थिक क्षति भारतले बेहोर्दैछ । भारतको आर्थिक वृद्धिदर ९.६ प्रतिशतले नकारात्मक रहने छ र बंगलादेशको आर्थिक वृद्धि नकारात्मक रहने अर्थात ०.७ प्रतिशत रहने विश्व बैंकको प्रक्षेपण छ ।

विश्व अर्थतन्त्रमा भने सन् २०२१ मा ४ प्रतिशतको आर्थिक वृद्धिदर कायम हुने विश्व बैंकले जनाएको छ ।