पुल पुर्ननिर्माणका लागि २० दिन तातोपानी नाका बन्द
काठमाडौं, ८ माघ । आजदेखि २० दिनका लागि तातोपानी बन्द हुने भएको छ । सीमामा रहेको मितेरी पुल पुर्ननिर्माण गर्न नाका बन्द गरिने जानकारी चिनियाँ पक्षले गराएको तातोपानी भन्सार कार्यालयले जनाएको छ ।
बाढीले क्षति पुर्याएको पुल पुनर्निर्माण गर्न २० दिन लाग्ने भएकाले चिनीयाँ पक्षले नाका बन्द गर्ने जानकारी गराएको भन्सार कार्यालयका प्रमुख लालबहादुर खत्रीले जानकारी दिए ।
पहिलेकै बाढीले क्षति पुर्याएको पुलको एक भागमा यसवर्षको बाढीले थप क्षति गरेपछि चिनियाँ पक्षले मर्मत गर्न लागेको हो ।
